Sapa enggau raban Kabinet nya kuasa PM : Taib
KUCHING: Kepala Menteri Pehin Sri Abdul Taib Mahmud madah iya nadai jaku ba pemutus Perdana Menteri Datuk Seri Najib Tun Razak ke milih raban Kabinet perintah besai ke baru.
Taib madah rayat patut nemu tiap iku perdana menteri, kepala menteri tauka menteri besai bisi hak sida iya ke spesil nitihka program sida iya empu enggau chara sida iya ngemansangka siti-siti menua tauka nengeri.
Ku Taib, Najib ke mega ketuai menua deka ngena hak spesil iya nya chun enggau chara iya bejalaika menua sereta ngemansangka
“Ba runding aku, kita patut nemu PM, KM enggau MB bejalaika kuasa enggau hak spesil sida iya nitihka program pemansang sida sereta chara sida iya bejalaika menua.
“Enti aku, enggai aku ngenemuka diri meri runding ngagai PM tauka KM bukai pasal milih menteri kabinet,” ku iya madah ba aum media udah nemuai sereta mendingka lansa ba Opis Rejista Menua (JPN), Jalai Simpang Tiga, kemari.
Jako Taib laban irau ke ia nadai disopot ari PM , irau ke $$$$ percent .
Taib ke mega Chermin Barisan Nasional (BN) Menua madah baka nya lebuh iya ditanya pasal sekeda komuniti ba menua tu ke enda puas ati enggau pengari bansa ba kabinet Najib.
Isu pengari suku bansa ari Sarawak ba kabinet perintah besai ke baru dikemantaika berindik ari dawa tiga Kaban Parlimen Bidayuh (Datuk Dr James Dawos, Datuk Dr Tiki Lafe enggau Datuk Richard Riot) ke nerima pesan jaku pandak (SMS) ke ngasuh sida iya badu ari pengawa sida nyadi menteri.
Dalih ke diberi Dawos ke mega MP Mambong, rayat enda lantang ati laban nadai siku pengari bansa Bidayuh bisi dipadu nyadi menteri kabinet perintah besai ke betuaika Najib nyadi PM Malaysia keenam.
Kitai Sarawak tuk ke meri sikda BN menang, Nadai dikarap agik BN ba Malaya din laban udah temu urang sigi Pati Nipu, Nama kebuah kitai
Insiden nya mega ngujungka sekeda pemesai pupu raban bansa bukai meri penemu sida iya, baka Sapit Kepala Menteri ke mega Presiden Parti Rakyat Bersatu Sarawak (SUPP) Datuk Patinggi Tan Sri Dr George Chan, Sapit Presiden Parti Pesaka Bumiputera Bersatu (PBB) Datuk Amar Abang Johari Tun Abang Openg enggau siku agi Sapit Presiden PBB Datuk Patinggi Tan Sri Alfred Jabu ke enggai meri komen iya pasal pekara nya.
Jabu Jabu.....
Taib mega bisi ditanya pasal kabinet menua ke deka diubah, milih nya hak spesil iya nyadi Kepala Menteri.
“Nemu kita ila ni maya kabinet tu deka diubah,” ku iya.
Sebedau tu, Taib kala madah ngagai media iya nya ubah ba kabinet menua bedau bisi pelin ngubah iya diatu.
Beri enggau kabinet lemari ..
http://www.theborneopost.com
Nota : Untuk bantuan alih bahasa, sila hubungi Mat Monggol. Terhad untuk 50 pemanggil pertama SAHAJA.
No comments:
Post a Comment